AZAM FC imeibwaga mabao 3-0 timu ya Ruvu Shooting kwenye Uwanja wake wa Mabatini, Mlandizi mkoani Pwani katika mchezo wa Ligi Kuu ya Vodacom Tanzania Bara jioni hii.
Ushindi huo unaisogeza karibu kabisa na ubingwa wa Ligi Kuu Azam FC kwa kufikisha pointi 56 baada ya kucheza mechi 24, ikifuatia na mabingwa watetezi, Yanga SC wenye pointi 52 za mechi 24 pia.
Mabao ya Azam FC yamefungwa Gaudence Mwaikimba dakika ya tisa, Himid Mao dakika ya 36 Kipre Herman Tchetche dakika ya 46.
Azam sasa itahitaji pointi tatu zaidi katika michezo yake miwili ya mwisho ili kutawazwa rasmi mabingwa wapya wa msimu wa mwaka 2014/ 2015.
Yanga yenye mechi mbili pia, inaweza kufikisha pointi 58 ikizifunga JKT Oljoro na Simba SC, wakati Azam ikiifunga Mbeya City itatimiza pointi 59 hivyo kuingia kwenye mechi yake ya  mwisho na JKT Ruvu wakiwa tayari mabingwa.   
Azam FC; Aishi Manula, Erasto Nyoni, Gardiel Michael, David Mwantika, Aggrey Morris, Kipre Balou, Himid Mao, Salum Abubakar ‘Sure Boy’, John Bocco/Brian Umony dk55, Gaudence Mwaikimba/Jabir Aziz dk80 na Kipre Tchetche/Kevin Friday dk67.
Ruvu Shooting; Abdul Seif/Abdallah Rashid dk32, Said Madega, Stefano Mwasyika, Renatus Kisase, Baraka Nyakamande, Hamisi Mohamed, Ally Mtanga, Juma Nade/Ayoub Kitala dk50, Elias Maguri, Said Dilunga na Raphael Kyara/Juma Mdindi dk66.  

Leave a comment