Watano Azam FC waingia Tuzo VPL

Category: 
Team: 
Azam FC

JUMLA ya wachezaji watano wa Klabu Bingwa ya Afrika Mashariki na Kati, Azam FC, ni miongoni mwa wachezaji 30 waliochaguliwa kuwania Tuzo  ya Mchezaji Bora wa Ligi Kuu ya Vodacom Tanzania Bara (VPL) inayotarajia kufanyika Juni 23 mwaka huu kwenye Ukumbi wa Mlimani City, Dar es Salaam.

Wachezaji hao waliochaguliwa ni kipa Razak Abalora, mabeki nahodha msaidizi Agrey Moris, Bruce Kangwa, nahodha Himid Mao ‘Ninja’ na mshambuliaji Yahya Zayd, wataopambana na nyota wengine 25 kutoka timu nyingine za Ligi Kuu.

Kufanyika kwa tuzo hizo ni utaratibu ambao Shirikisho la Soka Tanzania (TFF), limejiwekea kila baada ya kumalizika kwa ligi, ambapo hutoa tuzo kwa waliofanya vizuri kwa kushirikiana na wadhamini wakuu wa VPL Kampuni ya Simu za mkononi ya Vodacom, msimu huu wakiwa na baadhi ya washirika wengine ikiwemo Kampuni ya Azam Tv.

Licha ya Tuzo ya Mchezaji Bora wa mwaka wa ligi, pia kutatolewa tuzo mbalimbali, ambapo kwa mwaka huu tuzo moja imeondolewa na nyingine imeongezwa ikiwa ni katika kuboresha.

Tuzo iliyoondolewa ni ya Mchezaji Bora wa Kigeni na imefanyika hivyo ili kuwapa fursa wachezaji wote kuwania Tuzo ya Mchezaji Bora wa VPL badala ya kuwatenganisha.

Aidha iliyoongezwa ni Tuzo ya Mwamuzi Bora Msaidizi, ambayo haikuwepo msimu uliopita, hiyo ni kutokana kuthamini nafasi ya waamuzi wasaidizi.

Tuzo zote zitakazotolewa;

-Bingwa

-Mshindi wa Pili

-Mshindi wa Tatu

-Mshindi wa Nne

 -Mfungaji Bora

-Timu yenye nidhamu

-U20 Player (Tuzo ya Ismail Khalfan)

-Mchezaji Bora Chipukizi

-Mwamuzi Bora Msaidizi

-Mwamuzi Bora

-Kipa Bora

-Kocha Bora

-Goli Bora 

-VPL Best Eleven

-Mchezaji wa heshima

Zawadi kwa kila kategori pamoja na majina ya wanaowania tuzo ukiacha bingwa, mshindi wa pili, wa tatu, wa nne na mfungaji bora ambao hujulikana kulingana na ligi inavyoendelea zitatangazwa siku za usoni.

Wachezaji 30 wanaowania tuzo

Kamati ya Tuzo za VPL, imekamilisha orodha ya awali ya wachezaji 30 kwa ajili ya kuwania Tuzo ya Mchezaji Bora wa VPL msimu wa mwaka 2017/18, ambayo sherehe zake zitafanyika Juni 23 mwaka huu.

Kila mwezi Kamati ya Tuzo, imekuwa ikitangaza jina la mchezaji aliyefanya vizuri kwa mwezi husika kutokana na vigezo mbalimbali na pia ripoti kutoka kwa makocha waliopo katika viwanja ambavyo ligi hiyo inachezwa.

Wachezaji walioshinda tuzo za mwezi ligi ya msimu huu na miezi yao katika mabano nimshambuliaji wa Simba, Emmanuel Okwi (Agosti), beki wa Singida United, Shafiq Batambuze (Septemba) na mshambuliaji wa Yanga, Obrey Chirwa (Oktoba). Wengine ni kiungo wa Singida United, Mudathir Yahya (Novemba), mshambuliaji wa Mbao FC ya Mwanza, Habibu Kiyombo (Desemba), mshambuliaji wa Simba, John Bocco(Januari), kiungo wa Yanga, Papy Tshishimbi (Februari), mshambuliaji wa  Lipuli, Adam Salamba (Machi) na mshambuliaji wa Majimaji, Marcel Kaheza (Aprili).

Wachezaji hao kila mmoja amepewa zawadi ya tuzo, king'amuzi cha Azam na fedha taslimu sh. Mil. Moja kutoka kwa wadhamini Vodacom.

Hivyo wakati huu tukielekea mwisho wa ligi, tayari majina ya wachezaji 30 yametangazwa ambao watachujwa na kubaki 10, kisha watabaki watatu watakaoingia fainali ya kuwania tuzo siku ya mwisho.

 

1.             Habibu Kyombo (Mbao)

2.            Khamis Mcha (RuvuShooting)

3.             Yahya Zayd-Azam

4.             Razack Abalora-Azam

5.             Bruce  Kangwa-Azam

6.             Aggrey Morris -Azam

7.            Himid Mao –Azam

8.            Awesu Awesu –Mwadui

9.              Adam Salamba-Lipuli

10.          Mohammed Rashid-Prisons

11.          Shafiq Batambuze-Singida

12.         Mudathir Yahya-Singida United

13.          Marcel Kaheza- Majimaji

14.           Ditram Nchimbi-Njombe Mji

15.         Eliud Ambokile- Mbeya City

16.          Shaaban Nditi-Mtibwa

17.         Tafadzwa Kutinyu-Singida

18.         Ibrahim Ajibu- Yanga

19.         Gadiel Michael-Yanga

20.         Papy Tshishimbi-Yanga

21.          Kelvin Yondani-Yanga

22.         Obrey Chirwa-Yanga

23.        Aishi Manula-Simba

24.        Emmanuel Okwi-Simba

25.        John Bocco-Simba

26.        Jonas Mkude-Simba

27.         Erasto Nyoni-Simba

28.         Shiza Kichuya-Simba

29.         Asante Kwasi –Simba

30.        Hassan Dilunga-Mtibwa

Back to Top