Azam U-13 mabingwa Chipkizi Cup

Category: 
Team: 
Azam B

TIMU ya vijana ya Azam FC chini ya umri wa miaka 13 (Azam U-13) imeibuka mabingwa ya michuano ya Kombe la Chipkizi kwa vijana wa umri huo baada ya kuichapa Express Academy kwa mikwaju ya penalti 4-3 kufuatia sare ya bao 1-1.

Mashindano hayo yanaandaliwa na Future Stars Academy ya mkoani Arusha, ambapo Azam FC ndio mara ya kwanza kushiriki ikiwa na vikosi vipya ilivyoviunda hivi karibuni.

Azam U-13 iliweza kufanya kweli na kupenya hadi robo fainali ikiifunga timu ya CTID bao 1-0, kisha nusu fainali ikaibugiza Moi Educational Centre ya Ghana mabao 5-0 kabla ya fainali kuifunga Express.

Azam U-11 yenyewe haikufanikiwa kuingia robo fainali, lakini katika raundi za awali iliifunga Icons Football Academy ya Kenya (2-1) kabla ya kupoteza kwa bao 1-0 ilipocheza na Moi Educational Centre (1-0) na kutoka suluhu na Elite Soccer Academy.

Mara baada ya michuano hiyo kumalizika, vikosi hivyo vya Azam FC vinatarajia kuanza safari ya kurejea jijini Dar es Salaam kesho Jumatatu.

Back to Top